司儀A: 就係當我地搭巴士時, 會遇到有啲唔乖唔聽話嘅乘客, 喺巴士度做左啲唔
應該做嘅事出嚟; 又或者有一啲遇到麻煩, 分別需要你地去幫手糾正或協助,
等大家都可以有個愉快嘅巴士旅程。(接著轉扮演車長)
司儀 B: 原來如此, 咁我地一齊睇下邊啲唔乖或需要幫手既乘客咯,
有無小朋友想上車呀?
(義工幫手鼓勵小朋友舉手, 並協助他們”上車”)
司儀 B: (待各人坐好後) 好嘞! 大家坐定未? 車長哥哥(向著司儀A), 可以開車喇! 唔該哂!
個案一:
音樂入….
一老婆婆拿著拐杖步履蹣跚上車, 此時全車滿座, 她只好握著扶手, 左搖右擺,
差點跌撞在其中一位乘客身上, 但該乘客仍無動於衷……
司儀B: 各位小朋友, 見到咁既情形, 你地應該點做呢?
當小朋友做對(讓座)後
婆婆: 唔該, 真係好乖呢!
司儀B: 其實除左讓座俾老人家, 仲要讓俾啲孕婦同傷殘人士架,
唔單止喺搭車時咁做, 例如喺商場或公園入面都一樣要架, 明白嗎?
說時遲那時快, 婆婆拿出手機, 大聲講電話, 由於”撞聾”, 越說越大聲……
司儀 B: 咦? 個婆婆做錯野呀?
當另一小朋友勸諭婆婆將音量收細後.....
司儀B: 其實在公眾場所都唔應該大聲講電話, 會影響人同唔禮貌架,
大家知道就去第二個遭遇喇!
安排第二批小朋友上車
車長哥哥 (司儀A): 坐穩未? 開車喇!
個案二:
音樂入….
一個面中年漢, 甫坐下, 便打噴嚏及咳個不停, 又不掩住口鼻, 又做其”幕後黑手”,
將弄髒了的手放在前面的椅背上而且更”飛象過河”將雙腳放在對面坐位……
司儀B: 面對呢個情況, 我地又點做呢? (取出紙巾及口罩)
經小朋友勸諭後, 學生哥用紙巾掩鼻, 帶上口罩, 及把雙腿放回
司儀B: 呢位小朋友做對了, 宜家人類豬流感大流行, 我地要時刻保持清潔,
有咳嗽及打噴嚏要戴口罩
司儀A: 仲有, 就算有空位, 都唔可以霸佔座位架, 以上兩種行為都係有公德心,
顧己及人既表現呢! 最後一個奇遇喇, 坐穩我就開車喇!
個案三:
音樂入......
一大嬸剛買完餸, 兩手均拿著大包小包(用超市袋裝住), 準備下車, 沒辦法按下車鐘,
還把東西掉在地上, 此時……
司儀B: 我地又應該點做呀?
小朋友幫忙大嬸按鐘, 並幫她拾回掉在地上的東西
大嬸: 乖嘞!
司儀B: 大家俾啲掌聲呢位小朋友啦
司儀B: 不過呢個大嬸都有唔啱既地方, 你地估下吖!
(若小朋友猜不中, 須作提示)
司儀B: 仲未估到? 俾啲貼士你地啦! 見到呢個師奶用咩裝住啲野呀?
(大嬸特地把兩個超市袋提高)……啱嘞! 我地要環保, 要自備購物袋, 少左垃圾,
地球先生就好快好番喇, 記住買野嗰陣帶定環保袋喎!
司儀A: 好嘞! 如果個個都好似呢幾位小朋友做個快樂有心人, 就可以結伴創造愉快
既巴士旅途嘞
司儀B: 喂! 我地頭先咪講過, 唔單止淨係喺巴士做架, 喺任何地方都要有公德心同
愛心呢!
司儀A+ B: 大家再次俾掌聲呢班小朋友啦!
全體(橫額出): 『做個快樂有心人, 結伴創愉快路途』
****************************全劇完 ***********************
BUT ~ 乾得好HAPPY呢!
